Mediahub.am-ը գրում է. Տեխասի նահանգի առողջապահության դեպարտամենտի տվյալներով՝ հունվարի վերջից Արևմտյան Տեխասում գրանցվել է կարմրուկի 146 դեպք: 20 հիվանդ հոսպիտալացվել է, իսկ կարմրուկի դեմ չպատվաստված դպրոցահասակ երեխան մահացել է։ Ըստ USA Today-ի, կարմրուկի բռնկումներն այդ ժամանակվանից տարածվել են ԱՄՆ-ի այլ շրջաններում, այդ թվում՝ Նյու Մեքսիկո, Նյու Ջերսի և Ջորջիա նահանգներում:
Հիվանդությունների վերահսկման և կանխարգելման կենտրոնները «բռնկում» են սահմանում որպես հիվանդության երեք կամ ավելի հարակից դեպքեր: Կարմրուկը խիստ վարակիչ է և տարածվում է օդով։ Վիրուսը վարակված մարդը կարող է այն տարածել հազի, փռշտալու և խոսելու միջոցով։ «Եթե մեկ մարդ հիվանդ է, մոտակայքում գտնվող 10 մարդուց մինչև 9-ը կվարակվեն, եթե պաշտպանված չեն», — ասում է CDC-ն:
Կարմրուկի դեպքերի ներկայիս թիվը շատ տագնապալի է, ասում է Ֆրեդերիկ Բերթլին՝ Գիտության և արդյունաբերության կենտրոնի գործադիր տնօրեն և նախագահ, գիտության առաջատար պրոֆեսոր՝ իմունոլոգիայի ոլորտում:
«Մարդիկ պետք է անհանգստանան ինչպես ԱՄՆ-ում, այնպես էլ ամբողջ աշխարհում», — ասել է Բերթլին CNBC-ի Make It-ին: — Որպեսզի պատկերացնենք, անցած տարի [ԱՄՆ-ում] մենք ունեցել ենք 285 դեպք։ Սա ամբողջ տարվա համար է՝ 12 ամիս։ Մենք նույնիսկ չենք ավարտել [2025 թվականի առաջին եռամսյակը]։ Մենք նոր ենք սկսում մարտը, և արդեն 164 հոգի ենք, և արդեն ունենք մահ։ 2015 թվականից ի վեր Ամերիկայի Միացյալ Նահանգներում կարմրուկից ոչ մի մահ չենք ունեցել»:
Կարմրուկը կարող է ախտահարել բոլոր տարիքի մարդկանց, սակայն այն ամենամեծ վտանգը ներկայացնում է երեխաների համար, հատկապես՝ մինչև հինգ տարեկան:
Բերթլին և դոկտոր Ադամ Ջ. Ռաթները՝ NYU Langone Health-ի մանկական վարակիչ հիվանդությունների տնօրենը, կիսվել են, թե ինչպես պաշտպանել ձեզ և ձեր երեխաներին կարմրուկից:
«Ձեր կամ ձեր երեխաներին կարմրուկից պաշտպանելու լավագույն միջոցը պատվաստումն է, և խորհուրդ է տրվում պատվաստանյութի երկու չափաբաժին», — ասում է Ռաթները, ով նաև կարմրուկի մասին գրքի հեղինակ է, որը կոչվում է Booster Shots:
Կարմրուկի դեմ պատվաստանյութի երկու չափաբաժիններն էլ ստանալը «սովորաբար պաշտպանում է մարդկանց կարմրուկից ողջ կյանքի ընթացքում», ասում է CDC-ն:
«Սա շատ անվտանգ պատվաստանյութ է ավելի քան վեց տասնամյակի տվյալների հետ», — ավելացնում է Բիրթլին: — Եթե չափահաս եք և երբևէ չեք պատվաստվել, պետք է մեկ անգամ պատվաստել: Նույնիսկ մեկ չափաբաժինը կօգնի ձեզ արդյունավետության առումով։ Բայց հետո, եթե ուզում ես, կարող ես երկրորդ պատվաստումը ստանալ ьуъ еф8шйцгь, և 98%-ով պաշտպանված կլինես»:
Որպես առաջին քայլ՝ որոշելու, թե արդյոք դուք պատվաստվել եք կարմրուկի դեմ, Ռաթները խորհուրդ է տալիս խոսել ձեր բժշկի հետ, որը կարող է ունենալ ձեր նախորդ պատվաստումների գրառումները: Ձեր ծնողները կարող են նաև ունենալ ձեր պատվաստումների արձանագրությունները, եթե չկարողանաք գտնել դրանք:
Ձեր բժշկական գրառումներում կարմրուկի դեմ պատվաստանյութը կնշվի որպես «MMR» կամ «MMRV»: «Եթե նրանք իսկապես չեն կարողանում պարզել դա, ապա, հավանաբար, իմաստ ունի պարզապես ստանալ կարմրուկի, խոզուկի և կարմրախտի դեմ պատվաստանյութը, քանի որ դա վտանգավոր չէ, նույնիսկ եթե նախկինում այն ունեցել եք», — ասում է Ռաթները:
