Գորշ արջը կրկին հայտնվել է WWF Հայաստանի տեսախցիկների առջև «Խոսրովի անտառ» պետական արգելոցում։ Բնության համաշխարհային հիմնադրամի հայաստանյան մասնաճյուղից հայտնում են, որ տեսակն ընդգրկված է Հայաստանի Կարմիր գրքում ինչպես նաև ԲՊՄՄ Կարմիր ցուցակում։
Արեալը հիմնականում ներառում է այն վայրերը, որտեղ աճում են պտղատու ծառեր, հատապտուղներ ու ընկուզենիներ, որոնցով արջը սնվում է։
Ի դեպ` գորշ արջը միակ գիշատիչ կենդանին է, որ երկար ժամանակ կարող է մնալ առանց կենդանական կերի։
