Մոտեցել են երկար սպասված ամառային արձակուրդները, և հանգստի մեկնելիս խիստ կարևոր է իմանալ արևային այրվածքներից արդյունավետ պաշտպանվելու և այրվածքների դեպքում առաջին բուժօգնության կանոնները:
Արևային այրվածքը մաշկի վնասումն է՝ պայմանավորված ուլտրամանուշակագույն ճառագայթների գերդոզավորմամբ:
Արևային այրվածքի նշաններն են՝
մաշկի կարմրություն
բշտեր
Արևային այրվածքներից զերծ մնալու համար պետք է՝
Խուսափել արևի ուղիղ ճառագայթներից, հիմնականում, ժամը 10-16-ն ընկած ժամանակահատվածում. Այս շրջանում արևի ճառագայթները հատկապես վտանգավոր են:
Շոգին կրել լայնեզր գլխարկ և չմոռանալ արևապաշտպան ակնոցների մասին:
Արևոտ oրերին նախապատվությունը տալ մուգ կապույտ հագուստին, քանի որ այս գույնն ունի մաշկը արևի ճառագայթների վնասակար ազդեցությունից պաշտպանելու հատկություն:
Այրվածքների և մաշկի քաղցկեղի կանխարգելմանը նպաստում են SPF և PPD նշումներով արևապաշտպան քսուքները` պաշտպանության գործոնի 30 կամ 50 միավորով:
Այնուամենայնիվ, եթե կան այրվածքներ, պետք է՝
խուսափել այրվածքի մակերեսին սառույցի անմիջական կիրառումից,
այրվածքին բուսայուղ և թթվասեր չքսել,
այրվածքի մակերեսին դնել խոնավ գործվածք,
օգտագործել ոչ ստերոիդային հակաբորբոքային միջոց. այն կթեթևացնի ցավը և կնվազեցնի կարմրության աստիճանը:
