Այսօրվա «Դիմադրության շարժման» հանրահավաքին ՀՀԿ-ականները` վերին էշելոնը, չի մասնակցում:
«Հրապարակը» գրում է, որ նրանք այսօր կուսակցական վերնախավով հարսանիքի են մասնակցում: Մենք տեղեկացանք, որ այսօր ամուսնանում են ԱԺ նախկին նախագահ Գալուստ Սահակյանի որդու` Պետգույքի կառավարման վարչության նախկին պետ Արման Սահակյանի դուստրը` Ժակլինը, և Ջրային կոմիտեի նախկին նախագահ Արսեն Հարությունյանի որդին` Հայկը:
Հարսանեկան արարողությունը անցկացվում է նախկին վարչապետ Կարեն Կարապետյանին պատկանող «Ֆլորենս» ռեստորանում: Հարսանիքին ներկա են նախկին ու ներկա գրեթե բոլոր կարկառուն ՀՀԿ-ականները` Սերժ Սարգսյանի գլխավորությամբ: Այդ է պատճառը, որ հայրենիքի փրկության գործն այսօր ընդդիմությունից մնացել է հիմնականում «Հայաստան» դաշինքի ուսերին:
Մեզ ասացին, նաև որ քոչարյանական թևից հրավիրյալներ չկան: