ՀՐԱՏԱՊ. ՀՀ ԱԳՆ-ն մեղադրում է ռուսներին… հորդորում է կատարել ստանձնած պարտավորությունները

ՀՀ ԱԳՆ-ն հանդես է եկել հայտարարությամբ.

«Հայաստանի Հանրապետության ԱԳ նախարարությունը մտահոգված է այն փաստով, որ Լեռնային Ղարաբաղում ՌԴ խաղաղապահ զորախմբի ծառայողները չեն թույլատրել ՀՀ Ազգային ժողովի մի խումբ պատգամավորների մուտքը Լեռնային Ղարաբաղ:

Նշված գործողությունը հակասում է 2020թ. նոյեմբերի 9-ի եռակողմ հայտարարությանը, որով նախատեսվում է Լաչինի միջանցքով Լեռնային Ղարաբաղի անխափան կապը Հայաստանի հետ: Հայտարարության բոլոր կողմերը պետք է խստորեն հետևեն դրա տառին և ոգուն, ինչպես նաև իրականացնեն ստանձնած պարտավորությունները»:

Հիշեցնենք, որ այսօր Արցախ մեկնող ընդդիմադիր պատգամավորները չեն կարողացել մուտք գործել Արցախ։ Նրանց թույլ չեն տվել հատել անցակետը։