Չեչնիայի ղեկավար Ռամզան Կադիրովը հայտարարել է, որ չի կարելի դադարեցնել ռազմական հատուկ գործողությունն Ուկրաինայում, պետք է այն ավարտին հասցնել ու վերցնել Կիևը։
«Ես հայտարարում եմ, որ պետք է ավարտին հասցնել սկսածը, կանգ չառնել։ Պետք է մտնել ու վերցնել Կիևը։ Ես ավելի քան վստահ եմ, որ մենք կմտնեինք Կիև և կարգի կբերեինք այն»,-ասել է Կադիրովը՝ ելույթ ունենալով Գրոզնիի զինված ուժերի հավաքի ընթացքում։
«Մենք ևս մեկ անգամ պնդում ենք, որ պատրաստ ենք գնալ ցանկացած վայր, որպեսզի կատարենք ցանկացած բարդության հրաման։ Մենք սովորել ենք կռվել, որպեսզի պաշտպանենք։ Այդ պատճառով մենք խնդրում ենք թույլ տալ պաշտպանել ուկրաինական ժողովրդին մեր թշնամիներից, իսլամի թշնամիներից»,-ընդգծել է Չեչնիայի ղեկավարը։