Սույն թվականի մայիսի 27-ին՝ ժամը 14:30-ի սահմաններում, Ստեփանակերտ քաղաքի Առաքելյան փողոցում տեղակայված ավտոտնակում պայթյուն է տեղի ունեցել, որի հետևանքով մահացել է Ստեփանակերտ քաղաքի 1989թ. ծնված Արթուր Անդրանիկի Գալստյանը: Այս մասին հայտնում են ԱՀ ՔԿ-ից։
Դեպքի վայր է մեկնել ԱՀ քննչական կոմիտեի Ստեփանակերտ քաղաքի քննչական վարչության ՀԿԳ ավագ քննիչը։
Իրականացվում են անհետաձգելի քննչական և դատավարական գործողություններ՝ դեպքի բոլոր հանգամանքները պարզելու ուղղությամբ։
