Իրկուտսկում երկու տղամարդ է բերման ենթարկվել հայաստանցու նկատմամբ խոշտանգումների և սպանության փորձի համար: Այս մասին հոկտեմբերի 20-ին հայտնել է Ռուսաստանի Քննչական կոմիտեի մարզային վարչությունը, գրում է lenta.ru-ն:
Ըստ հետաքննության՝ հարձակման կազմակերպիչը 35-ամյա Միրո Միրոյանն է, որն իր հանցակիցների հետ սեպտեմբերի 1-ին բռնել է տուժողին և սկսել դաժանորեն խոշտանգել։ Սկզբում տղամարդուն ծեծի են ենթարկել, իսկ հետո մաչետեով կտրել են նրա ձեռքերն ու զենքից կրակել ոտքերին, սակայն ի վերջո տուժողին հաջողվել է փրկվել։
Հարձակվողները նույնպես ազգությամբ հայ են։ Կոնֆլիկտի պատճառ է դարձել 500 000 ռուբլու և ավտոմեքենայի շուրջ վեճը։
Հանցագործները փորձել են փախչել, սակայն նրանցից երկուսին արագորեն բերման են ենթարկել ոստիկանությունը և ԱԴԾ մարզային վարչության աշխատակիցները։ Դատարանը ձերբակալել է երկու կասկածյալի, նրանք փնտրում են հանցագործության կազմակերպչին: Տուժածը հիվանդանոցում է։ Հարուցվել է քրեական գործ Ռուսաստանի Դաշնության Քրեական օրենսգրքի 105-րդ հոդվածի («Սպանության փորձ») հատկանիշներով։
Լուսանկարում Միրո Միրոյանն է։
