Երևանի նախկին քաղաքապետի անսահման ունեցվածքն ու եկամուտները Երևանի նախկին քաղաքապետի՝ Հայկ Մարությանի մասին կրկին հանրությունն սկսեց խոսել այն բանից հետո, երբ նա անոնսեց առաջիկայում կայանալիք իր «Քաղաքապետը» մոնո-ներկայացումը։
Մարությանը քաղաքապետի պաշտոնից հեռացավ 2022 թ-ի դեկտեմբերի 22-ին։ Իրավապահ մարմինները նաև նրա օրոք քաղաքապետարանում կոռուպցիոն բացահայտումների մաին խոսեցին։ Oragir.news-ն անդրադարձել է Մարությանի 2021 թ-ի տարեկան հայտարարագրին։ Վերջին հայտարարագիրը նա ներկայացրել է 2022 թ-ի փետրվարի 18-ին։ Որպես անշարժ գույք Մարությանն հայտարարագրել է 24 անշարժ գույք, ավտոտնակ և հողամաս։ Դրանցից 2-ը գտնվում են Երևանի Կենտրոն համայնքի բազմաբնակարան բնակելի շենքու։ Մեկ ավտոտնակ Երևանի Կենտրոնում գտնվող։ Մնացած ողջ անշարժ գույքը՝ 2 անհատական բնակելի տունը, 10 բնակարանը, 4 հողամաս, 5 ավտոկայանատեղին գտնվում են Չեխիայում, գերակշիռ մասև՝ Պրահայում։
Մարությանն հայտարարագրել է նաև Կոտայքի Առինջ համայնքում գտնվող նոր կառուցվող բազմաբնակարան շենքում բնակարանը։
Միաժամանակ, նա հայտարարագրել 2017 թ-ի արտադրության NISSAN մակնիշի ավտոմեքենան։ Հայտարարագրած 9 բանկային հաշիվների վրա համապատասխանաբար եղել են 11 մլն 965 հազար դրամ, 1500 դրամ, 12 797 դրամ, 286 դոլար, 156 դոլար, 4 976 դոլար, 140 հազար 75.դոլար, 288 եվրո և 175 հազար 84 չեխական կրոնա։ Միաժամանակ, Մարությանն հայտարարագրել է կանխիկ դրամական միջոցներ, մասնավորապես 3 մլն դրամ, 75 հազար դոլար, 9 հազար եվրո և 74 հազար չեխական կրոնա։ Տարվա ընթացքում նրա հայտարարագրած եկամուտները գերազանցել են 288 մլն 513 հազար դրամը և 1մլն 34 հազար չեխական կրոնան։
ԸՆդ որում՝ այս գումարի միայն 6մլն 772հազար դրամն է աշխատանքի վարձատրության դիմաց ստացած եկամուտը։ Ավելի քան 10մլն 926 հազար դրամը գրականության, արվեստի կամ գիտական աշխատանքի օգտագործման կամ օգտվելու հեղինակային իրավունքից ստացվող հատուցումը և հեղինակային վարձատրությունն է։ Իսկ 256 մլն 42 հազար դրամը և 14 մլն 771 հազար դրամը 2 անշարժ գույքերի օտարումից ստացված եկամուտն է։ Չեխական կրոնայով ստացված եկամուտները ստացվել են 5 անշարժ գույք վարձակալություններից ստացված եկամուտներն են։ Նախկին քաղաքապետն հայտարարագրել է նաև 2մլն 889 հազար չեխական կրոնայով վերցրած վարկային միջոցները։ Մարությանը հայտարարագրել է նաև տարվա ընթացքում իր կատարած ծախները, որոնցից 950 հազար և 400 հազար դրամը հանգստի համար կատարած ճանապարհածախսն է։
1 մլն 760 հազար դրամը և 650 հազար դրամը ուսման համար վճարվող վարձավճարները, 2 մլն 160 հազար դրամը անշարժ գույքի վարձակալության վճարը։ Միանվագ ծախսերի բաժնում Մարությանը հայտարարագրել է նաև 9 մլն 270 հազար դրամ չեխական կրոնայի և 8 մլն դրամի ծախսերը։
